قلبي هاجر الأفراح

 

 

قلبي هاجر الأفراح... وش لي مع الفرَح غير لحظات ويِعود الحِزن لأوطان الوِريد..

تِناسيت وِحدَة المِشاعِر والآهات.. لكن من يِنَسّي قلبي المَسكين جروح الزمان وأوجاع خيباته..

أنا لاني مع اليأس ولا كان عِنواني الأحزان.. لكن البشر في هالأيام إجرحوا فيني الوِفا والحُب وفي الآخر إطعِنوا بالمَعَزّة..

 

أبـَ أحكي قِصّتي مع بشر هالأيام ...و بـ أبدا بـ ناسٍ من الأهل كانوا إقراب.. وش حيلة من أهدى كل طيب وحُب وغلا لِناس إطعِنوا الوِريد بالغدر و سود النّوايا والحكي اللي ماله أوّل من آخر من كِثِر سِواده...

أول جروحي من الأهل اللي ما صِفوا لي ولا يوم من الأيام .. و عدّوني أول الأعداء..

 

وآخر جروحي من ناسٍ كانوا أصحاب وأقرَب الأصدِقاء .. قابلت جِفاهُم بالوصِل و السُؤال .. وهم بالصد والهجر جازوا وِفا عِشرتي وصِحبَت الأيام الطوال إستَبدِلوها بـ صُحبة جديدة وصارت لهُم من أقرب الأصحاب..

 

هاذي جروحي المُعتادة وكل يوم يِستِجِد جرحٍ جديد من الأهل أو الأصحاب....

غريبة يا دِنيا القربي أصبح بعيد و العدوا أصبح أقرب قريب..

 

ناسٍ ما لها مع الوِفا والوصل عهد ولا مِيثاق للأسف..

 

ربي يِعين قلبٍ جف من نَزف الآهات.. ويعين الصّدِر على طول تنهيدة الضيقة والحزن..

عسى ربي يشفي غليل كَسر القلوب الوفيّة...

 

 

 

 

#كتابتي..